Мастакі зь Беларусі, Казахстану, Кіргізстану, Малдовы і Ўкраіны прадставілі ўласнае асэнсаваньне працэсаў, якія адбываюцца ў іх краінах у выніку экспансіянісцкай палітыкі Расеі.
Выстава мае назоў «Белы сьцяг» — паводле назвы зробленай беларускай мастачкай Руфінай Базлавай выявы штандару прэзыдэнта Расейскай Фэдэрацыі на белым фоне, што можа ўспрымацца як капітуляцыя імпэрыі.
Аднак, пакуль капітуляцыя не адбылася, і найбольшая экспазыцыя выставы прысьвечаная менавіта беларускім палітычным вязьням. Партрэты Алеся Бяляцкага, Міколы Статкевіча, Алеся Пушкіна і іншых палітвязьняў, зробленыя мастачкай, разьмясьцілі на пляншэтах (наведнікі могуць прагартаць інфармацыю). Кожнаму палітвязьню прысьвечаная вышыўка паводле эскізу Руфіны Базлавай.
Выстава «Белы сьцяг» у ПразеНядаўна Руфіна Базлава прэзэнтавала строі, на якіх былі вышытыя імёны ўсіх беларускіх палітвязьняў, а таксама тых, хто загінуў у змаганьні за свабоду падчас пратэстаў 2020 году і пазьней. Летась прэзыдэнт Украіны Ўладзімер Зяленскі выступаў са зваротам да народу ў «вышыванцы» колеру хакі з арнамэнтам ад Руфіны Базлавай.
Выставу арганізаваў праскі Цэнтар грамадзянскай супольнасьці, яна экспануецца па адрасе Прага, Hybernská 4.
Сяргей Навумчык
Журналіст Радыё Свабода
navumchyks@rferl.org
Падпісацца